Што претставува HACCP ?
Сертификатот HACCP ги опфаќа процесите и услугите за производство на храна во прехранбениот сектор и ги специфицира потребните хигиенски барања за производство на безбедна храна. Тој се фокусира на идентификување, оценување и контролирање на опасностите кои можат да ја загрозат безбедноста на храната во текот на процесот на производство. Постојат 7 принципи на HACCP, кои претставуваат основни барања за примена на HACCP системот.
Успешната апликација на HACCP системот бара целосна посветеност и вклучување на менаџментот на фирмата и мултидисциплинарен пристап.
Зголемената доверба на клиентите, избегнување на непотребни трошоци, ефикасно користење на ресурсите, усогласеност со законските барања и намалените ризици за безбедноста на храната се клучни фактори за бизнисите кои сакаат да се позиционираат повисоко на национално и меѓународно ниво.
Кои се главни предности на HACCP сертификација ?
- Загарантирана безбедност на храна: Покажува дека храната која е произведена е безбедна за консумација од страна на потрошувач.
- Конкурентска предност: Конкурентска предност на пазарот и подобра репутација за компанијата.
- Регулаторна усогласеност: Исполнет законски предуслов или барање за работа со храна.
- Зголемена доверба кај потрошувачите и купувачите:Стекнување и/или зацврстување на довербата во однос на безбедноста на производот кај познати и кај потенцијални клиенти.
- Сеопфатен пристап за контрола на ризиците: Фокусна контрола на ризиците низ целиот производствен процес, од примарни материјали до финални производи.
Придобивки од добивањето HACCPсертификат
- Зголемена ефикасност: Помага во унапредување на оперативните процеси, се минимизираат грешките во производниот процес и се намалува отпадот.
- Конзистентен квалитет: Гарантира дека сите производи се произведени според истите стандарди и процедури.
- Заштита на прехранбените производи: Минимизирање на микробиолошка, хемиска и физичка контаминација во текот на процесот на производство и во текот на ланецот на испорака.
- Намалување на трошоци: Потенцијално намалување на трошоци поврзани со неусогласеност на производите.
- Оптимизирање на процесите: Помага во оптимизирање на производните процеси преку подобрување на контролата и мониторингот на сите фази од производството.
Како да се добие сертификат за HACCP?
- Образование и подготвеност: Запознајте ги барањата на Системот за управување со безбедност на храна HACCP и неговите принципи.
- Имплементација: Воведете систем за управување со безбедност на храна кој ги исполнува барањата на HACCP и неговите принципи.
- Пред-сертификациска проверка: Спроведете интерна ревизија и проценка на подготвеноста.
- Избор на сертификационо тело: Изберете акредитирано тело за сертификација.
- Официјална проверка:Акредитирано тело за сертификација ќе спроведе надворешна ревизија.
- Сертификација: Доколку ги исполнувате барањата, ќе добиете HACCP сертификат.
Кои индустрии го имплементираат HACCP?
- Производство на храна и пијалоци
- Производители на амбалажа за пакување на храна
- Хранливи додатоци и адитиви
- Земјоделство
- Транспорт и дистрибуција
- Производство на опрема за храна
- Складирање на храна
- Ресторански услуги и угостителски услуги
Колку долго трае HACCP сертификатот?
HACCP сертификатот е валиден три години. Сепак, потребни се годишни надзорни ревизии за да се осигура усогласеноста со барањата. По истекот на трите години, се спроведува ресертификација.
Како да го имплементирам HACCP?
- План:Направете план за имплементација на HACCP.
- Создадете тим:Назначете одговорни лица за имплементацијата.
- Проценка на сегашни практики:Идентификувајте ги слабостите и празнините во системот.
- Дефинирајте политики и процедури:Воспоставете документиран систем за управување со безбедност на храна, дефинирајте ги опасностите и определете ги критичните контролни точки.
- Едукација:Обучете ги вработените за барањата на HACCP принципите.
- Спроведување:Интегрирајте ги новите политики и процедури во секојдневните активности.
- Мерење и мониторинг:Поставете механизми за следење и евалуација на перформансите.
- Подготвителна ревизија:Спроведете интерна ревизија за проверка на усогласеноста.
- Сертификација:Вклучете се во процесот на официјална ревизија од сертификационо тело.
